shape

Hyderabad ChotaNews

Blog Image

నిఖత్ జరీన్​కు సువర్ణావకాశం

NMDC బ్రాండు అంబాసిడర్​గా బాక్సింగ్ చాంపియన్, తెలంగాణ అమ్మాయి నిఖత్ జరీన్ వ్యవహరించనుంది. దేశ నిర్మాణంలో కీ రోల్ పోషిస్తున్న NMDC బ్రాండును ముందుకు తీసుకెళ్లేందుకు నిఖత్ జరీన్ దోహదపడుతుందని ఆశిస్తున్నట్లు సంస్థ సీఎండీ సుమిత్ దేబ్ తెలిపారు. వచ్చే ఒలంపిక్ పోటీల్లో ఇండియాకు ప్రాతినిధ్యం వహించే నిఖత్​కు అన్ని విధాలా మద్దతు ఇస్తామని ఆయన పేర్కొన్నారు.

Blog Image

'ప్రపంచంలోనే మూడో స్థానంలో భారత్'

ప్రపంచంలో అత్యధిక సంఖ్యలో స్టార్టప్‌లు కలిగి ఉన్న దేశాల్లో భారతదేశం మూడో స్థానంలో ఉందని కేంద్రమంత్రి కిషన్ రెడ్డి తెలిపారు.దేశ యువత జాబ్ హోల్డర్స్‌లా కాకుండా..జాబ్ క్రియేటర్స్‌లా మారాలన్నారు. భారత్ అధ్యక్షత జరగనున్న జీ20 సమ్మిట్ కోసం దేశ వ్యాప్తంగా సన్నాహక సమావేశాలు నిర్వహిస్తున్నారు. ఇందులో భాగంగా ఏర్పాటైన స్టార్టప్ 20 ఎంగేజ్‌మెంట్ గ్రూప్.. రెండు రోజుల సమావేశం నేడు హైదరాబాద్‌లో నిర్వహించారు.

Blog Image

‘చెప్పిన ప్రతి మాటను కేసీఆర్ నిజం చేశారు’

ఉద్యమ సమయంలో చెప్పిన ప్రతి మాటను సీఎం కేసీఆర్ నిజం చేశారని విద్యుత్ శాఖ మంత్రి జగదీష్ రెడ్డి అన్నారు. సూర్యాపేట క్యాంపు కార్యాలయంలో లబ్ధిదారులకు కల్యాణ లక్ష్మి, షాదీ ముబార‌క్ చెక్కులను మంత్రి జ‌గ‌దీశ్ రెడ్డి పంపిణీ చేశారు. సూర్యాపేట నియోజకవర్గ వ్యాప్తంగా 424 మంది లబ్ధిదారులకు రూ. 4 కోట్ల 24 లక్షల విలువ చేసే చెక్కులను పంపిణీ చేశారు.

Blog Image

'కాంగ్రెస్‌తోనే ప్రజాసంక్షేమం సాధ్యం'

కర్ణాటక: కాంగ్రెస్ పార్టీతోనే ప్రజాసంక్షేమం సాధ్యమని ఏఐసీసీ సెక్రటరీ, మంథని ఎమ్మెల్యే దుద్దిళ్ల శ్రీధర్‌బాబు పేర్కొన్నారు. శనివారం కర్ణాటక రాష్ట్రంలోని యాద్గిర్ జిల్లా కేంద్రంలో నిర్వహించిన ప్రజాధ్వని యాత్రలో భాగంగా నిర్వహించిన సభలో ఆయన మాట్లాడారు. దేశ ప్రజల ఐక్యత, ప్రజాసంక్షేమం కోసమే రాహుల్ గాంధీ భారత్ జోడో యాత్ర చేపట్టారని తెలిపారు. వచ్చే ఎన్నికల్లో కాంగ్రెస్ పార్టీ గెలుపుకై కార్యకర్తలు కష్టపడాలన్నారు.

Blog Image

ఆస్పత్రికి చేరుకున్న చంద్రబాబు

బెంగళూరులోని నారాయణ హృదయాల ఆస్పత్రికి టీడీపీ చీఫ్ చంద్రబాబు, బీజేపీ నేత పురందేశ్వరి చేరుకున్నారు. తారకరత్న ఆరోగ్యంపై వైద్యులను అడిగి తెలుసుకుంటున్నారు. కాసేపట్లోనే జూనియర్ ఎన్టీఆర్ కూడా ఆస్పత్రికి రానున్నారు. ప్రస్తుతం తారకరత్నకు బెలూన్ యాంజియోప్లాస్టీ ద్వారా డాక్టర్లు రక్తనాళాల్లోకి రక్తాన్ని పంప్ చేస్తున్నారు. ఇంకా ఆయన ఆరోగ్యం విషమంగానే ఉందని చెబుతున్నారు.

Blog Image

కేసీఆర్‌కు నిరుద్యోగుల ఉసురు తగులుతుంది: బండి

తెలంగాణ ప్రభుత్వం నిర్వహించిన ఎస్ఐ, కానిస్టేబుల్ నియామకాల పరీక్షలో అభ్యర్థులకు అన్యాయం జరిగిందని రాష్ట్ర బీజేపీ చీఫ్ బండి సంజయ్ ధ్వజమెత్తారు. తప్పులు సరిదిద్దాలని ఆందోళన చేస్తే అమానుషంగా ప్రవర్తిస్తారా? అని మండిపడ్డారు. పరీక్షలు సక్రమంగా నిర్వహించడం చేతకాని సర్కార్ అంటూ ఆగ్రహం వ్యక్తం చేశారు. కేసీఆర్ ప్రభుత్వానికి నిరుద్యోగుల ఉసురు తగులుతుందని అన్నారు.

Blog Image

పేద విద్యార్థుల కోసమే గురుకులాలు : మంత్రి సబిత

పేద విద్యార్థులకు నాణ్యమైన విద్యను అందించే లక్ష్యంతో రాష్ట్ర ప్రభుత్వం గురుకులాలను ప్రవేశపెట్టిందని రాష్ట్ర విద్యా శాఖ మంత్రి పట్లోళ్ల సబితా ఇంద్రారెడ్డి అన్నారు. మొయినాబాద్‌లో ప్రవాస భారతీయులు భాస్కర్‌రావు, శ్యామల సౌజన్యంతో శశిరావు ఫౌండేషన్‌ యూఎస్‌ఏ, టెక్సాస్‌ ఆధ్వర్యంలో మండల పరిధిలోని తోలుకట్ట గ్రామంలో రూ.2 కోట్ల తో అత్యాధునిక హంగులతో నిర్మించిన ప్రభుత్వ ప్రాథమిక పాఠశాలను ఆమె ప్రారంభించారు.

Blog Image

'బీజేపీతోనే ప్రజాసంక్షేమం సాధ్యం'

రాజన్నసిరిసిల్ల: బీజేపీతోనే ప్రజాసంక్షేమం సాధ్యమని బీజేపీ రాష్ట్ర అధ్యక్షుడు బండి సంజయ్ పేర్కొన్నారు. వేములవాడ రూరల్ మండలంలోని వట్టెంల, అచన్నపల్లి గ్రామాలకు చెందిన కురుమ సంఘం నాయకులు ఎగుర్ల అనిల్, దానే తిరుపతి ఆధ్వర్యంలో 50మంది బీజేపీలో చేరారు. వారికి బండి సంజయ్ పార్టీ కండువాలు కప్పి ఆహ్వానించారు.ఈ కార్యక్రమంలో బీజేపీ నాయకులు కుమ్మరి శంకర్, మల్లికార్జున్, మల్లేశం, బాలరాజు, తదితరులు పాల్గొన్నారు.

Blog Image

’ఆర్థికాభివృద్ధిలో తెలంగాణ రైతులు’

రైతు సంక్షేమ కార్యక్రమాల వల్లే తెలంగాణలో రైతులు ఆర్థిక అభివృద్ధిని సాధిస్తున్నారని రాష్ట్ర వ్యవసాయ శాఖ మంత్రి నిరంజన్‌ రెడ్డి అన్నారు. గద్వాల వ్యవసాయ మార్కెట్ యార్డ్ నూతన పాలకమండలి సభ్యుల ప్రమాణ స్వీకారం శనివారం జరిగింది. ఈ కార్యక్రమంలో పాల్గొన్న మంత్రి మాట్లాడుతూ కేసీఆర్‌ సారధ్యంలో తెలంగాణలోని రైతులకు పంట పెట్టుబడి కింద ప్రతి ఎకరాకు రూ. 5వేలు ఇస్తున్నారని తెలిపారు.

Blog Image

నకిలీ పత్రాలతో భారీ మోసం..ముఠా అరెస్ట్

హైదరాబాద్: ఫేక్ బ్యాంక్ గ్యారంటీ పత్రాలతో మోసాలకు పాల్పడుతున్న ముఠాను అరెస్ట్ చేసినట్లు CCS అడిషనల్ డీసీపీ నేహామెహ్రా పేర్కొన్నారు. బషీర్‌బాగ్ సెంట్రల్ క్రైమ్‌స్టేషన్‌లో(CCS) వివరాలను వెల్లడించారు. వరంగల్‌కు చెందిన నాగరాజు కోల్‌కత్తాకు చెందిన నరేష్‌శర్మ, సుబ్రజిత్‌గోషల్‌, దాసులతో కలిసి బయోమైనింగ్ కాంట్రాక్టుల పేరుతో నకిలీ పత్రాలు సృష్టించి సుమారు రూ.35కోట్ల మోసాలకు పాల్పడినట్లు తెలిపారు. నలుగురిని అరెస్ట్ చేసి రిమాండ్‌కు తరలించామన్నారు.

Blog Image

'పెద్దపల్లి గడ్డపై బీజేపీ జెండా ఎగరేయాలి'

పెద్దపల్లి: ప్రతి కార్యకర్త సైనికుల్లా పనిచేసి రానున్న ఎన్నికల్లో పెద్దపల్లి గడ్డపై బీజేపీ జెండా ఎగరేయాలని మాజీ ఎంపీ గడ్డం వివేక్ వెంకటస్వామి పేర్కొన్నారు. శనివారం పెద్దపల్లి పట్టణంలోని బీజేపీ జెండాను ఆవిష్కరించి మాట్లాడారు. ప్రజాసమస్యలపై పోరాటం చేసి పరిష్కారం దిశగా ముందుకెళ్దామని కార్యకర్తలకు పిలుపునిచ్చారు. కార్యక్రమంలో బీజేపీ నాయకులు గొట్టిముక్కల సురేష్‌రెడ్డి, తిరుపతి, బత్తుల ప్రశాంత్, రవితేజ, వేణుగోపాల్, తదితరులు పాల్గొన్నారు.

Blog Image

తెలుగు రాష్ట్రాల్లో పార్టీల ఖర్చు ఎంతంటే?

2021-22లో రాజకీయ పార్టీలు సమర్పించిన ఖర్చుల వార్షిక ఆడిట్ నివేదికను కేంద్ర ఎన్నికలసంఘం విడుదల చేసింది. తెలుగు రాష్ట్రాల్లోని పార్టీల ఖర్చుల వివరాలు ఇలాఉన్నాయి. తెలంగాణలో బీఆర్ఎస్ 7.12 కోట్లు ఖర్చు చేసింది. ఏపీలో టీడీపీ రూ. 25.57 కోట్లు ఖర్చు చేయగా, వైసీపీ మాత్రం ఎలాంటి ఖర్చు చేయలేదని పేర్కొంది. కటౌట్లు, హోర్డింగ్‌, మీడియా ప్రకటనల కోసం ఈఖర్చులు చేసినట్టు వెల్లడించింది.

Blog Image

బాసర క్షేత్రంలో ఉన్నతాధికారులు

నిర్మల్: రాష్ట్రంలోని ప్రముఖ పుణ్యక్షేత్రమైన బాసర శ్రీ జ్ఞానసరస్వతి అమ్మవారి ఆలయాన్ని శనివారం ఆంధ్రప్రదేశ్ రాష్ట్ర ఎండోమెంట్ ప్రిన్సిపల్ సెక్రటరీ జేఎస్‌వీ ప్రసాద్ దర్శించుకున్నారు. జేఎస్‌వీ ప్రసాద్ మనువరాలు ధ్రితికి అక్షరాభ్యాసం చేయించినట్లు ఆయన తెలిపారు. అదేవిధంగా నేషనల్ పోలీస్ అకాడమీ హైదరాబాద్ అధికారి సాయిచరణ్‌ కుటుంబసమేతంగా అమ్మవారిని దర్శించుకుని ప్రత్యేక పూజలు చేశారు. అంతకుముందు వారికి ఆలయాధికారులు పూర్ణకుంభంతో ఘనస్వాగతం పలికారు.

Blog Image

ప్రయాణికుల కోసం ‘టీఎస్‌ఆర్టీసీ రేడియో’

ప్ర‌యాణికులకు మరింతగా చేరువయ్యేందుకు కొత్త ఆలోచనలతో టీఎస్‌ఆర్టీసీ ముందుకు వెళ్తోంది. అందులో భాగంగానే ప్రయాణం వినోదాత్మకంగా, సంతోషంగా సాగేందుకు బస్సుల్లో ‘టీఎస్‌ఆర్టీసీ రేడియో’ను ఏర్పాటు చేయాలని సూత్రప్రాయంగా నిర్ణయించింది. హైదరాబాద్‌లోని బస్‌ భవన్‌లో కూకట్‌పల్లి డిపో బస్సులో ఈ రేడియోను టీఎస్‌ఆర్టీసీ ఎండీ వీసీ సజ్జనార్ శనివారం ప్రారంభించారు. టీఎస్‌ఆర్టీసీ రేడియో ప్ర‌యాణీకుల‌ను అల‌రించ‌నుంద‌ని సజ్జనార్ ఆశాభావం వ్య‌క్తం చేశారు.

Blog Image

కరెంటు కష్టాలతో రైతన్నల ధర్నా

నిర్మల్: వ్యవసాయానికి 24గంటల నిరంతర విద్యుత్ అందిస్తున్నామని బీఆర్ఎస్ నేతలు, ప్రజాప్రతినిధులు ప్రగల్భాలు పలుకుతున్నారని, మరోవైపు కరెంట్ కోతలతో తీవ్ర ఇబ్బందులు పడుతున్నామని కుంటాల మండల కేంద్రంలో ప్రధాన రహదారిపై రైతులు ధర్నా నిర్వహించారు. రాష్ట్ర ప్రభుత్వం 24గంటల నిరంతర విద్యుత్ సరఫరా చేస్తామని చెప్పడంతో పంటలు వేసి మోసపోయామని ఆవేదన వ్యక్తంచేశారు. చేతికొచ్చిన పంట నీరులేక ఎండిపోతుంటే కన్నీరే మిగులుతుందన్నారు.

Blog Image

‘విచారణ వీడియో రికార్డు చేయాలి’

వైఎస్ వివేకానంద రెడ్డి హత్య కేసుపై ఎంపీ అవినాశ్ రెడ్డిని సీబీఐ అధికారులు విచారిస్తున్నారు. దీంతో హైదరాబాద్‌లోని సీబీఐ కార్యాలయం వద్దకు వైసీపీ ఎమ్మెల్యే శ్రీకాంత్ రెడ్డి, అవినాశ్ అనుచరులు భారీగా చేరుకున్నారు. అవినాశ్ రెడ్డిని కావాలనే ఇబ్బంది పెడుతున్నారని ఆరోపించారు. విచారణ అంతా వీడియో రికార్డు చేయాలని డిమాండ్ చేశారు. ఇదిలావుండగా, అవినాశ్ న్యాయవాదిని సీబీఐ అధికారులు లోపలికి అనుమతించలేదు.

Blog Image

బీజేపీ నేతలకు కేటీఆర్ సవాల్

కేంద్రం ... తెలంగాణపై సవతి తల్లి ప్రేమ చూపుతోందని, పునర్విభజన చట్టంలో ఏ ఒక్క హామీని నెరవేర్చలేదని మంత్రి కేటీఆర్ మండిపడ్డారు. కేంద్రం తెలంగాణపై పక్షపాత ధోరణి వ్యవహరిస్తోందన్నారు. తాను చెప్పింది తప్పైతే రాజీనామాకు సిద్దమని బీజేపీ నేతలకు కేటీఆర్ సవాల్ విసిరారు.

Blog Image

'వారి పట్ల జాగ్రత్తగా ఉండాలి'

భద్రాద్రికొత్తగూడెం: దేశంలో ఎక్కడా లేని సంక్షేమ పథకాలు తెలంగాణలో మాత్రమే అమలవుతున్నాయని ఎంపీ నామా నాగేశ్వరరావు పేర్కొన్నారు. అశ్వారావుపేటలో శనివారం బీఆర్ఎస్ కార్యకర్తలతో నిర్వహించిన సమావేశంలో ఆయన మాట్లాడారు. కొంతమంది నాయకులు మాయమాటలు చెప్పి బీఆర్ఎస్ నేతలను కొనాలని ప్రయత్నిస్తున్నారని, వారి పట్ల జాగ్రత్తగా ఉండాలన్నారు. రాష్ట్రంలో సాగునీరు, తాగునీరు, విద్యుత్, ఉద్యోగులు ఇలా ఎన్నో సమస్యలు పరిష్కారం అయ్యాయన్నారు.

Blog Image

'పారా అథ్లెటిక్స్‌ను ప్రోత్సాహించాలి'

హైదరాబాద్: పారా అథ్లెటిక్స్‌ను ప్రోత్సాహించాల్సిన బాధత్య రాష్ట్రప్రభుత్వంపై ఉందని రాష్ట్ర పారా అథ్లెటిక్స్ అసోసియేషన్ జనరల్ సెక్రటరీ గురుశరణ్ సింగ్ పేర్కొన్నారు. శనివారం సికింద్రాబాద్ ఆర్ఆర్‌సీ మైదానంలో 5వ పారా అథ్లెటిక్స్ పారా బ్యాడ్మిం టన్ ఛాంపియన్‌షిప్ పోటీలను నిర్వహించారు. ఈ పోటీల్లో రాష్ట్రంలోని 33 జిల్లాల దివ్యాంగులు పాల్గొన్నట్లు ఆయన తెలిపారు. ప్రభుత్వం నుంచి సరైన ప్రోత్సాహం లేకున్నా తాము ఐక్యంగా ముందుకెళ్తున్నామన్నారు.

Blog Image

హిమాయత్‌నగర్‌లో కుంగిన రోడ్డు..ఇద్దరికి గాయాలు

హైదరాబాద్‌లోని హిమాయత్‌నగర్‌లో రోడ్డుపై గుంత ఏర్పడింది. స్ట్రీట్ నెం.5 మార్గమధ్యలో మట్టి లోడ్‌తో ట్రక్కు వెళ్తుండగా ఒక్కసారిగా రోడ్డు కుంగిపోయింది. దీంతో ట్రక్కు 10 అడుగుల లోతులో కూరుకుపోయింది. ఈ ఘటనలో ఇద్దరు తీవ్రంగా గాయపడ్డారు. ఇటీవల గోషామహ‌ల్‌లోనూ ఇలాగే నాలాపై రోడ్డు కుంగిపోయింది. వరుస ఘటనలతో ఎప్పుడు ఏ రోడ్డు కుంగిపోతుందోనని నగరవాసులు భయాందోళనకు గురౌతున్నారు.

Blog Image

ముందస్తు ఎన్నికలపై కేటీఆర్ వ్యాఖ్యలు

తెలంగాణలో ముందస్తు ఎన్నికల విషయంలో మంత్రి కేటీఆర్ కీలక వ్యాఖ్యలు చేశారు.ఎన్నికలు ఎప్పుడు వచ్చినా సిద్దంగా ఉన్నామని స్పష్టం చేశారు. కేంద్రంలోని అధికార బీజేపీ పార్లమెంట్‌ను రద్దు చేసి ముందస్తుకు వస్తే.. తాము కూడా ముందస్తు ఎన్నికలకు సిద్దమని ప్రకటించారు. ఈ సందర్భంగా కేంద్రంపై కేటీఆర్ ఆగ్రహం వ్యక్తం చేశారు.

Blog Image

'ఫీజు రియంబర్స్‌మెంట్‌ను విడుదల చేయాలి'

జగిత్యాల: రాష్ట్రంలో పెండింగ్‌లో ఉన్న ఫీజు రియంబర్స్‌మెంట్, స్కాలర్‌షిప్‌లను రాష్ట్రప్రభుత్వం వెంటనే విడుదల చేయాలని ABVP నాయకులు డిమాండ్ చేశారు. రాష్ట్రంలో తరచుగా జరుగుతున్న సంక్షేమ హస్టళ్లలో ఫుడ్ పాయిజన్ ఘటనలపై హైకోర్ట్ సిట్టింగ్ జడ్జితో విచారణ జరపాలని జగిత్యాల పట్టణంలోని కొత్త బస్టాండ్ వద్ద ఏబీవీపీ నాయకులు భిక్షాటన చేశారు. ప్రభుత్వ జూనియర్ కళాశాలల్లో మౌలిక సదుపాయాలను కల్పంచాలని డిమాండ్ చేశారు.

Blog Image

ఆ షేర్ల దిగజారుడుపై కేంద్రం నోరు విప్పాలి: కవిత

TS: అదానీ గ్రూప్ షేర్లపై అంతర్జాతీయ నివేదిక తర్వాత.. ఎల్ఐసీ, ఎస్బీఐ, ఇతర కంపెనీల షేర్లలో ఒడిదొడుకులు రావడం ఆందోళనకరమని బీఆర్ఎస్ ఎమ్మెల్సీ కవిత అన్నారు. దీనిపై కేంద్రప్రభుత్వం భారతీయులందరికీ సమాధానం చెప్పాల్సిన అవసరం ఉందన్నారు. ఈ విషయాలపై కేంద్ర ఆర్థికమంత్రి నిర్మలాసీతారామన్, సెబీ చీఫ్ మాధవి పూరీబుచ్ దిద్దుబాటు చర్యలు చేపట్టాలని కోరారు. ఆర్థికంగా నష్టపోయిన పెట్టుబడిదారులను ఆదుకోవాలని విజ్ఞప్తి చేశారు.

Blog Image

అవిశ్వాస తీర్మానానికి సిద్దమైన కౌన్సిలర్లు

వికారాబాద్: ముందుగా చేసుకున్న మూడేళ్ల ఒప్పందం ప్రకారం వికారాబాద్ మున్సిపల్ ఛైర్మన్ పదవికాలం నిన్నటితో ముగిసింది. అయినా ఛైర్మన్‌ పదవిలో కొనసాగుతుండడంతో వికారాబాద్, తాండూర్ మున్సిపల్ కౌన్సిలర్లు అవిశ్వాస తీర్మానాన్ని ప్రతిపాదించారు. వికారాబాద్ మున్సిపల్లో 36 వార్డు కౌన్సిలర్లకుగానూ 22 మంది, తాండూర్ మున్సిపల్‌లో 36 కౌన్సిలర్లుకుగానూ 24మంది కౌన్సిలర్లు అవిశ్వాస ప్రతిపాదనపై సంతకాలు చేసి కలెక్టర్ దృష్టికి తీసుకెళ్లారు.

Blog Image

CBI కార్యాలయానికి చేరుకున్న అవినాష్‌రెడ్డి

హైదరాబాద్‌లోని సీబీఐ కార్యాలయానికి కడప ఎంపీ అవినాష్‌రెడ్డి చేరుకున్నారు. ఆయన కాల్ డేటా, ఆర్థికలావాదేవీలపై ఆయనను అధికారులు విచారించనున్నారు. అవినాష్‌రెడ్డితో పాటు ఆయన న్యాయవాదులు సైతం సీబీఐ కార్యాలయానికి చేరుకున్నారు. కాగా.. కార్యాలయం బయట పెద్దఎత్తున ఆయన అభిమానులు హడావిడి చేస్తుండడం గమనార్హం.

Blog Image

‘అదానీ షేర్స్‌ పతనంపై దర్యాప్తు జరపాలి’

అదానీ కంపెనీ షేర్స్ కుప్పకూలటం వెనకగల కారణాలపై సెబీ, ఆర్‌బీఐ విచారణ జరపాలని పీసీసీ ఉపాధ్యక్షుడు మల్లు రవి డిమాండ్ చేశారు. గాంధీభవన్‌లో ఆయన మాట్లాడుతూ.. మోదీ ప్రధాని అయ్యాక అనేక ప్రభుత్వసంస్థలు అదానీకి అప్పగించారని.. అదానీ కంపెనీ నష్టం ఆయనొక్కడిదే కాదని, దేశ ఆర్థికవ్యవస్థ అతలాకుతలమవుతుందని తెలిపారు. ఈ సమయంలో మోదీ ప్రేక్షకపాత్ర వహించడం సరికాదని, నష్టనివారణ చర్యలు తీసుకోవాలని కోరారు.

Blog Image

ధర్మపురిలో ఘనంగా రథసప్తమి పూజలు

జగిత్యాల: రాష్ట్రంలోని ప్రముఖ పుణ్యక్షేత్రమైన ధర్మపురి శ్రీలక్ష్మినరసింహస్వామి వారి ఆలయంలో శనివారం రథసప్తమి సందర్బంగా ప్రత్యేక పూజలు చేశారు. తెల్లవారుజాము నుంచే భక్తులు ఆలయానికి పెద్దఎత్తున తరలివచ్చి స్వామివారిని దర్శించుకుని మొక్కులు చెల్లించుకున్నారు. దీంతో ఆలయం భక్తులతో కిటకిటలాడింది. భక్తుల రద్దీని దృష్టిలో పెట్టుకుని ఆలయాధికారులు అన్ని ఏర్పాట్లు చేశారు.

Blog Image

కేసీఆర్ అసలైన హిందువు: హరీశ్‌రావు

తెలంగాణ సీఎం కేసీఆర్ అసలైన హిందువని మంత్రి హరీశ్‌రావు అన్నారు. వరంగల్ జిల్లా పర్వతగిరిలోని పర్వతాల శివాలయం పునఃప్రారంభోత్సవానికి హరీశ్ హాజరయ్యారు. ఈ సందర్భంగా ఆయన మాట్లాడుతూ.. కొంతమంది హిందువులంటూ ప్రచారం చేసుకుంటారు కానీ..కేసీఆర్ హిందూధర్మ ప్రచారకుడని అన్నారు. ఎన్నో దేవాలయాలను కేసీఆర్ కాపాడారని చెప్పారు. పర్వతాల శివాలయాన్ని పర్యాటకంగా అభివృద్ధి చేస్తామని హామీ ఇచ్చారు.

Blog Image

భద్రాద్రి కళాభారతి బ్రోచర్ ఆవిష్కరణ

తెలుగు కళలను తెరపైకి తెచ్చేందుకు భద్రాచలంలో ప్రతి ఏడాది భద్రాద్రి కళాభారతి ఆధ్వర్యంలో తెలుగు నాటకోత్సవాలను ఘనంగా నిర్వహిస్తున్నారు. ఫిబ్రవరి 5, 6, 7వ తేదీల్లో భద్రాచలంలో నిర్వహించనున్న ఈ నాటకోత్సవాల బ్రోచరును శనివారం ఆవిష్కరించారు. భద్రాద్రి కళాభారతి అధ్యక్షులు పాకాల దుర్గాప్రసాద్, ప్రధాన కార్యదర్శి అల్లం నాగేశ్వరరావు ఆధ్వర్యంలో గత 21 సంవత్సరాలుగా ఈ తెలుగు నాటకోత్సవాలను నిర్వహిస్తున్నారు.

Blog Image

కాళేశ్వరం కాలువలకు ఆటంకాలు

కాళేశ్వరం ప్యాకేజీ నెంబర్‌ 27, 28 హై లెవల్‌ కాలువల నిర్మాణాల పనులు పూర్తికాకపోవడంతో లక్ష్యం నీరుగారిపోతోందన్న ఆరోపణలు ఉన్నాయి. 1200 కోట్లతో రెండు కాలువలను నిర్మించేందుకు ప్రతిపాదనలు రూపొందించారు.27వ నెంబర్‌ ప్యాకేజీకి 714 కోట్లు, 28వ నెంబర్‌ ప్యాకేజీ కోసం 486.67 కోట్లను ప్రభుత్వం మంజూరు చేసింది.ప్రభుత్వం నిధులను విడుదల చేయకపోవడంతో ఈ రెండు కాలువల నిర్మాణాలకు ఆటంకంగా మారుతుందన్న విమర్శలున్నాయి .

Blog Image

5న నాందేడ్‌లో బీఆర్‌ఎస్‌ సభ : ఇంద్రకరణ్‌రెడ్డి

మహారాష్ట్రలోని నాందేడ్‌లో ఫిబ్రవరి 5న నిర్వహించనున్న బీఆర్‌ఎస్‌ బహిరంగ సభకు కిన్వట్‌ తాలూకా ప్రజలు పెద్ద సంఖ్యలో తరలిరావాలని తెలంగాణ అట‌వీ, ప‌ర్యావ‌ర‌ణ‌ శాఖ మంత్రి ఇంద్రక‌ర‌ణ్ రెడ్డి పిలుపునిచ్చారు. నాందేడ్‌ సభ సన్నాహకాల్లో భాగంగా శనివారం కిన్వట్ తాలూకా అప్పారావు పేటలో మంత్రి ప‌ర్యటించారు.ఈ సందర్భంగా ఆయన మాట్లాడుతూ పార్టీ జాతీయ అధ్యక్షుడు కేసీఆర్‌తో క‌లిసి న‌డిచేందుకు ముందుకు రావాలని కోరారు.

Blog Image

ఆరోగ్యశాఖను గాలికొదిలేశారు: ఏలేటి

తెలంగాణలో ఆరోగ్యశాఖను గాలికొదిలేశారని కాంగ్రెస్ నేత ఏలేటి మహేశ్వర్‌రెడ్డి అన్నారు. గాంధీభవన్‌లో ఆయన మాట్లాడుతూ.. ఇరిగేషన్‌శాఖ మంత్రిగా విఫలమైన హరీశ్‌రావును ఆరోగ్యశాఖ మంత్రిగా చేశారని విమర్శించారు. మిషన్ కాకతీయను కమీషన్ కాకతీయగా హరీశ్‌రావు మార్చారని ఆరోపించారు. వెయ్యి మందికి ఒక డాక్టర్ ఉండాల్సిన చోట.. 10వేల మందికి కూడా ఒక వైద్యుడు లేడని మండిపడ్డారు. వైద్యారోగ్యశాఖ మంత్రిగా హరీశ్‌రావును తొలగించాలని మహేశ్వర్‌రెడ్డి డిమాండ్‌చేశారు.

Blog Image

'కౌశిక్ రెడ్డిని అరెస్ట్ చేయాలి'

మేడ్చల్: గవర్నర్‌ తమిళిసై సౌందర్‌రాజన్‌పై అనుచిత వ్యాఖ్యలు చేసిన బీఆర్ఎస్ ఎమ్మెల్సీ పాడి కౌశిక్‌రెడ్డిని వెంటనే అరెస్ట్ చేయాలని మేడ్చల్ జిల్లా బీజేపీ ప్రధానకార్యదర్శి గిరివర్ధన్ రెడ్డి డిమాండ్ చేశారు. వెంటనే అతనిపై చట్టపరమైన చర్యలు తీసుకోవాలని, ఎమ్మెల్సీ పదవి నుంచి బర్తరఫ్ చేయాలని బాచుపల్లి పోలీసుస్టేషన్‌లో ఫిర్యాదు చేశారు. బీజేపీ నాయకులు కౌశిక్ రెడ్డి ఫ్లెక్సీకి చెప్పులు కట్టి నిరసన వ్యక్తంచేశారు.

Blog Image

డీజీపీ ఆఫీస్ ముట్టడి.. ఉద్రిక్తత

హైదరాబాద్: పరుగు పందెంలో క్వాలిఫై అయిన ఎస్సై, కానిస్టేబుల్ అభ్యర్థులను మెయిన్స్ ఎగ్జామ్ పరీక్ష రాసేందుకు అనుమతించాలని శనివారం బీజేవైఎం రాష్ట్ర అధ్యక్షుడు భానుప్రకాష్ ఆధ్వర్యంలో హైదరాబాద్‌లోని డీజీపీ కార్యాలయాన్ని ముట్టిడించారు. లాంగ్‌జంప్, షాట్‌పుట్ గతంలోకంటే ఎక్కువ పెంచడంతో అభ్యర్థులకు అన్యాయం జరిగిందని వెంటనే రాష్ట్రప్రభుత్వం స్పందించి సమస్యను పరిష్కరించాలన్నారు. బీజేవైఎం నాయకులను పోలీసులు అరెస్ట్ చేయడంతో అక్కడ ఉద్రిక్తత నెలకొంది.

Blog Image

కౌశిక్‌రెడ్డి దుర్మార్గుడు: రాజగోపాల్‌రెడ్డి

గవర్నర్ పట్ల అనుచిత వ్యాఖ్యలు చేసిన బీఆర్ఎస్ ఎమ్మెల్సీ పాడి కౌశిక్‌రెడ్డి ఒక దుర్మార్గుడని, చదువురాని దద్దమ్మ అని బీజేపీ నేత కోమటిరెడ్డి రాజగోపాల్‌రెడ్డి విమర్శించారు. యాదాద్రిజిల్లా ఆత్మకూరులో రాజగోపాల్‌రెడ్డి మీడియాతో మాట్లాడారు. తెలంగాణలో ప్రజాస్వామ్యం ఏవిధంగా ఉందో బీఆర్ఎస్ నాయకుల మాటలు చూస్తే అర్థమవుతోందన్నారు. పార్టీపేరు మార్చుకున్న కేసీఆర్‌కు చివరకు వీఆర్ఎస్సేనని ఎద్దేవా చేశారు. మునుగోడులో అప్రజాస్వామికంగా గెలిచారని.. నైతికవిజయం తనదేనన్నారు.

Blog Image

బీజేపీ వైపే ప్రజల చూపు: రాజగోపాల్ రెడ్డి

TS: రాష్ట్ర ప్రజలు బీజేపీ వైపు చూస్తున్నారని బీజేపీ నేత కోమటిరెడ్డి రాజగోపాల్ రెడ్డి అన్నారు. రాబోయే రోజుల్లో రాష్ట్రంలో బీజేపీ ప్రభుత్వాన్ని ఏర్పాటు చేస్తామని ధీమా వ్యక్తం చేశారు. కాంగ్రెస్ నేతలు వారి వ్యాపారాల కోసం బీఆర్ఎస్‌తో కుమ్మక్కయ్యారని ఆరోపించారు. బీఆర్ఎస్, బీజేపీ ఎప్పటికీ ఒక్కటి కావని స్పష్టం చేశారు. రిపబ్లిక్ డే వేడుకలు జరగకుండా కేసీఆర్ నియంతలా వ్యవహరించారని విమర్శించారు.

Blog Image

భారతీయుల్లో అపారమైన నైపుణ్యం: కేటీఆర్

భారతీయుల్లో అపారమైన నైపుణ్యం ఉందని, దేశం గర్వించేలా అంతర్జాతీయస్థాయి ఆవిష్కరణలు చేయాలని రాష్ట్ర ఐటీ శాఖ మంత్రి కేటీఆర్‌ పిలుపునిచ్చారు. ట్రిపుల్‌ ఐటీ హైదరాబాద్‌ ఏర్పాటుచేసిన సిల్వర్‌ జూబ్లీ టాక్‌సిరీస్‌ను ప్రారంభించారు. ట్రిపుల్‌ ఐటీ ప్రాంగణంలో రోబోటిక్స్‌, లాంగ్వేజ్‌ టెక్నాలజీ, కంప్యూటర్‌ విజన్‌, సస్టైనబిలిటీ, స్మార్ట్‌ సిటీస్‌లాంటి రంగాల్లో పలు స్టార్టప్స్‌ రూపొందించిన ప్రయోగాలు, ఉత్పత్తులను పరిశీలించారు.

Blog Image

చిన్నారిని రక్షించిన కానిస్టేబుల్

నిజామాబాద్: నందిపేట పోలీస్‌స్టేషన్‌లో కానిస్టేబుల్‌గా విధులు నిర్వహిస్తున్న ముత్యం మానవత్వం చాటుకున్నారు. డ్యూటీ ముగించుకొని నిజామాబాద్‌కు వస్తుండగా మక్లూరు ఫారెస్ట్ సమీపంలోని ఆంధ్రనగర్ ప్రాంతంలో ఓ బాలిక రోడ్డుపై ఏడుస్తూ కనిపించింది. దీంతో తప్పిపోయిందని గుర్తించిన కానిస్టేబుల్ మాక్లుర్ పోలీస్‌స్టేషన్‌కు తీసుకెళ్లి యోగక్షేమాలు చూశారు. పాపను రక్షించిన కానిస్టేబుల్ ముత్యంను పలువురు పోలీస్ ఉన్నతాధికారులు అభినందించారు.

Blog Image

కేసీఆర్ పాలనపై కాంగ్రెస్ ఛార్జ్‌షీట్

తెలంగాణ సీఎం కేసీఆర్ పాలనపై కాంగ్రెస్ హాథ్ సే హాథ్ జోడో మానిటరింగ్ కమిటీ ఛార్జ్‌షీట్ రిలీజ్ చేసింది. బీఆర్ఎస్ సర్కార్ పాలనలో వైద్య, ఆరోగ్య రంగాల్లో నెలకొన్న 16రకాల సమస్యలను ఇందులో పొందుపరిచారు. కేసీఆర్ నిర్లక్ష్యంతో రాష్ట్రంలో వైద్య, ఆరోగ్య రంగాలు కుదేలయ్యాయని కాంగ్రెస్ నేత ఏలేటి మహేశ్వర్‌రెడ్డి పేర్కొన్నారు. సర్కార్ దవాఖానాలకు నిధులు, సిబ్బంది కొరత విపరీతంగా ఉందని తెలిపారు.

Blog Image

టెక్నాలజీలో వెనుకబడ్డాం: KTR

TS: టెక్నాలజీ విషయంలో ఇండియా ఇంకా వెనుకబడి ఉందని మంత్రి KTR అన్నారు. ఇన్నోవేషన్‌‌లో తెలంగాణ ముందు వరుసలో ఉన్నదని చెప్పారు. నిజామాబాద్‌లో కాకతీయ సాండ్‌ బాక్స్‌ ఆధ్వర్యంలో స్టార్టప్‌ కంపెనీల ప్రతినిధులతో జరిగిన ఇంటరాక్షన్ ​సమావేశంలో ‘టెక్నాలజీ ఫర్‌ ఇంపాక్ట్‌ అండ్‌ స్కేల్‌’ అంశంపై ఆయన ప్రసంగించారు. ప్రతి ఇంటికీ ఫైబర్‌ కనెక్షన్‌ ఇచ్చే కార్యక్రమం చేపట్టినట్లు KTR ప్రకటించారు.

Blog Image

విధులకు వచ్చి పెళ్ళికెళ్ళిన పంచాయతీ సిబ్బంది!

సూర్యాపేట: మేళ్లచెరువు గ్రామపంచాయతీ సిబ్బంది శనివారం విధులకు హాజరుకాకుండా మండల బీఆర్ఎస్ ప్రధాన కార్యదర్శి బోగాల బాలవెంకట్ రెడ్డి ఇంట్లో వివాహ వేడుకకు హాజరయ్యారు. వెంకట్ రెడ్డి కూతరు వివాహానికి గ్రామ పంచాయతీ మహిళా సిబ్బంది పనులు చేయించుకోవడంతో స్థానికులు ఆగ్రహం వ్యక్తంచేశారు. గ్రామ పంచాయతీ సిబ్బంది విధులకు హాజరైనట్లు మహిళా సిబ్బందితో సంతకాలు చేయించుకుని వివాహ వేడుకకు హాజరుకావడంపై స్థానికులు మండిపడుతున్నారు.

Blog Image

కేసీఆర్ చెప్పేవన్నీ అబద్ధాలే: వివేక్ వెంకటస్వామి

TS: రాష్ట్రాన్ని బంగారు తెలంగాణగా మారుస్తానని మాట ఇచ్చిన సీఎం కేసీఆర్ కల్వకుంట్ల తెలంగాణగా మార్చుకున్నారని బీజేపీ నేత వివేక్ వెంకటస్వామి అన్నారు. మిషన్ భగీరథ ద్వారా నీళ్లు రాకున్నా వస్తున్నాయని కేసీఆర్ పచ్చి అబద్దాలు చెబుతున్నారని మండిపడ్డారు. రైతులకు రుణమాఫి చేయకుండా మోసం చేశారని విమర్శించారు. ధరణి పోర్టల్ రాష్ట్రంలోనే పెద్దకుంభకోణమని, అది వచ్చాకే భూ సమస్యలు ఎక్కువయ్యాయని తెలిపారు.

Blog Image

టీఎస్ఆర్టీసీలో క్యాష్ లెస్ జర్నీ!

తెలంగాణలో ఆర్టీసీ బస్సుల్లో కార్డ్ స్వైప్, గూగుల్ పే, ఫోన్ పే, పేటీఎంతో ప్రయాణికులు టికెట్లు కొనుగోలు చేసేలా ఆర్టీసీ ఏర్పాట్లు చేసింది. ప్రస్తుతం 900 ఐ టిమ్స్‌ను పైలట్ ప్రాజెక్టుగా అమలు చేస్తున్నారు. హైదరాబాద్‌లో 3 నెలలు ఐ టిమ్ ద్వారా టికెట్లు జారీచేస్తారు. 3నెలల్లో ప్రజల స్పందన మేరకు రాష్ట్రమంతా అమలు చేస్తామని ఆర్టీసీ అధికారులు చెబుతున్నారు.

Blog Image

60 లక్షల మందికి రైతుబంధు: కేటీఆర్

తెలంగాణలో 60 లక్షల మంది రైతులకు రూ.65వేల కోట్ల రైతుబంధు సాయం చేశామని మంత్రి కేటీఆర్‌ తెలిపారు. నిజామాబాద్‌ పట్టణంలో కాకతీయ స్యాండ్‌ బాక్స్‌ ఆధ్వర్యంలో నిర్వహించిన కార్యక్రమంలో రైతులతో కేటీఆర్‌ మాట్లాడారు. గత ఎనిమిదేళ్లలో 46వేల చెరువులను పునరుద్ధరించామన్నారు. ప్రపంచంలో అతిపెద్ద ఇరిగేషన్‌ ప్రాజెక్టు అయిన కాళేశ్వరాన్ని అతితక్కువ సమయంలో నిర్మించామని.. 45లక్షల ఎకరాలకు సమృద్ధిగా సాగునీరు అందుతోందన్నారు.

Blog Image

దారుణం.. బాలికను గర్భవతిని చేసిన మైనర్

రంగారెడ్డి: రాజేంద్రనగర్‌లో దారుణం జరిగింది. ఓ ప్రబుద్ధుడు బాలికను బెదిరించి 3 నెలలుగా అత్యాచారం చేస్తున్నాడు. తల్లి నిలదీయగా వరుసకు బావ అయిన బాలుడు తనపై అఘాయిత్యానికి పాల్పడినట్లు బాధితురాలు తెలిపింది. వైద్య పరీక్షలు చేసిన వైద్యులు బాలిక గర్భవతి అని తేల్చారు. బాలిక తల్లి పోలీస్‌స్టేషన్‌లో ఫిర్యాదు చేయడంతో బాలుడిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

Blog Image

కిలిమంజారోపై తెలంగాణ వెన్నెల

టాంజానియాలోని కిలిమంజారో పర్వతాన్ని తెలంగాణకు చెందిన గిరిజన విద్యార్థి బానోతు వెన్నెల అధిరోహించింది. కామారెడ్డి జిల్లా మాచారెడ్డి మండలం సోమవరంపేటకు చెందిన బానోత్ వెన్నెల జనవరి 26న కిలిమంజారో పర్వత శిఖరానికి చేరుకుంది. 5895 మీటర్ల పర్వతాన్ని అధిరోహించింది. తన కలను సాకారం చేసుకునేందుకు రూ.3 లక్షల ఆర్థిక సహాయం చేసిన ఎంపీ జోగినిపల్లి సంతోష్ కుమార్‌కు వెన్నెల కృతజ్ఞతలు తెలిపింది.

Blog Image

విజయమ్మతో ఎంపీ అవినాశ్ రెడ్డి భేటీ

వైఎస్ విజయమ్మతో ఎంపీ అవినాష్ రెడ్డి భేటీ అయ్యారు. హైదరాబాద్‌ లోటస్‌పాండ్‌లోని విజయమ్మ ఇంట్లో వారిద్దరూ సమావేశమయ్యారు. వివేకా హత్యకేసులో సీబీఐ విచారణకు హాజరయ్యేందుకు అవినాష్ రెడ్డి హైదరాబాద్‌కు వచ్చారు. విచారణకు వెళ్లేముందు ఆయన.. విజయమ్మతో భేటీ కావడం రాజకీయ వర్గాల్లో చర్చనీయాంశమైంది.

Blog Image

జీ 20 సమావేశంపై కిషన్ రెడ్డి హర్షం

TS: హైదరాబాద్‌లో జరుగుతున్న జీ 20 స్టార్టప్ కంపెనీల సమావేశాలపై కేంద్ర మంత్రి కిషన్ రెడ్డి స్పందించారు. జీ 20 సమావేశాలకు దేశం నాయకత్వం వహించడం గర్వంగా ఉందన్నారు. స్టార్టప్ 20 ఇన్సెప్షన్ సమావేశానికి హైదరాబాద్ ఆతిథ్యమివ్వడం ఆనందంగా ఉందని తెలిపారు. యువతలో ఉన్న అభిరుచి, ఆసక్తి వల్లే మన దేశంలో స్టార్టప్ సంస్థలు విజయ పథంలో దూసుకుపోతున్నాయని పేర్కొన్నారు.

Blog Image

మిసెస్‌ ఇండియా పోటీలకు విశాఖ లెక్చరర్

రాజస్థాన్‌‌లో ఈ నెల 29 నుంచి ఫిబ్రవరి ఒకటి వరకు జరగనున్న జాతీయస్థాయి మిసెస్‌ ఇండియా గ్రాండ్‌ ఫినాలే పోటీలకు ఆంధ్రా యూనివర్సిటీ స్కాలర్, AVN కళాశాల ఇంగ్లీష్‌ విభాగాధిపతి పైడి రజని ఎంపికయ్యారు. గతేడాది మిసెస్‌ ఇండియా ఆంధ్రప్రదేశ్‌ టైటిల్‌ను విశాఖకు చెందిన ఈమె గెలుచుకున్నారు. 4 రోజులపాటు జరగనున్న పోటీల్లో 29 రాష్ట్రాలు, కేంద్రపాలిత ప్రాంతాలకు చెందిన మహిళలు పాల్గొననున్నారు.