ChotaNews Quick Feeds

పంజాబ్ సీఎం ఇంటి వద్ద ఉద్రిక్తత!

పంజాబ్ సీఎం ఇంటి వద్ద ఉద్రిక్తత!

పంజాబ్ సీఎం భగవంత్ మాన్ ఇంటి ఎదుట కార్మిక సంఘాల ఆధ్వర్యంలో కార్మికులు ఆందోళనకు దిగారు. వేతనాల పెంపు సహా తమ డిమాండ్లను పరిష్కరించాలంటూ నిరసన చేపట్టారు. ఈక్రమంలో భగవంత్ మాన్ ఇంటి వద్ద ఉద్రిక్త వాతావరణం నెలకొంది. పోలీసులు సంఘటనా స్థలానికి చేరుకొని వారిని అడ్డుకునే ప్రయత్నం చేయడంతో వాగ్వాదం చోటుచేసుకుంది. దీంతో పోలీసులు ఆందోళనకారులపై లాఠీఛార్జి చేశారు.

7న బీసీల ఆత్మీయ సమావేశం

7న బీసీల ఆత్మీయ సమావేశం

AP: బీసీలపై వైసీపీ ఫోకస్ పెంచింది. డిసెంబర్ 8న బీసీల ఆత్మీయ సదస్సు జరగాల్సి ఉండగా.. ఒకరోజు ముందుగా డిసెంబర్ 7న జరపాలని నిర్ణయించింది. విజయవాడలోని ఇంధిరాగాంధీ స్టేడియంలో జరగనున్న ఈ సదస్సుకు 60 వేల నుంచి 75 వేల మంది హాజరయ్యే అవకాశం ఉంది. సీఎం జగన్ ఈ సదస్సులో బీసీ నేతలను ఉద్ధేశించి మాట్లాడనున్నారు.

పాపులారిటీతోనూ సమస్యలు: విజయ్ దేవరకొండ

పాపులారిటీతోనూ సమస్యలు: విజయ్ దేవరకొండ

ఈడీ విచారణ అనంతరం హీరో విజయ్ దేవరకొండ సంచలన వ్యాఖ్యలు చేశారు. పాపులారిటీ వల్ల కూడా కొన్ని సమస్యలు వస్తాయని, అందులో ఇదొకటని వెల్లడించారు. ఈడీ అధికారులు అడిగిన ప్రతి ప్రశ్నకు సమాధానం ఇస్తూ, పూర్తిగా సహకరించానని తెలిపారు. తనను మళ్లీ రమ్మని ఈడీ అధికారులు చెప్పలేదన్నారు.

చాగంటికి గురజాడ పురస్కారం

చాగంటికి గురజాడ పురస్కారం

AP: ప్రముఖ ఆధ్యాత్మిక ప్రవచనకర్త చాగంటి కోటేశ్వరరావును గురజాడ పురస్కారం వరించింది. నవంబర్‌ 30న గురజాడ వర్ధంతిని పురస్కరించుకొని నిర్వాహకులు..ఈ ఏడాది చాగంటికి పురస్కారాన్ని ప్రదానం చేయాలని నిర్ణయించామన్నారు. ఈ పురస్కారం ఆయనకు ఇవ్వడం విజయనగరం వాసులకు గొప్పవరంగా భావిస్తున్నామన్నారు. చాగంటి మాట్లాడుతూ..'దీనిని గురజాడ పురస్కారంగా భావించడం లేదు. ఆయన ఆశీస్సులుగా భావిస్తున్నాను. అందుకే అవార్డు స్వీకరించడానికి సిద్ధపడ్డా' అని అన్నారు.