ChotaNews Quick Feeds

ఎక్కడ కూల్చారో.. అక్కడే ఆవిష్కరించాం: కేటీఆర్

ఎక్కడ కూల్చారో.. అక్కడే ఆవిష్కరించాం: కేటీఆర్

TS: కొండా లక్ష్మణ్ బాపూజీ జయంతి సందర్భంగా మంత్రి కేటీఆర్ ఆయనకు నివాళులర్పించారు. హైదరాబాద్‌లోని జలదృశ్యం వద్ద ఆయన విగ్రహాన్ని కేటీఆర్ ఆవిష్కరించారు. అనంతరం కేటీఆర్ భావోద్వేగపూరితంగా ట్వీట్‌ చేశారు. ‘‘ఏ జలదృశ్యమైతే అవమానకరంగా భావించి అప్పటి ప్రభుత్వం కూల్చివేసిందో.. ఈరోజు అక్కడే కొండా లక్ష్మణ్ బాపూజీ విగ్రహాన్నిఆవిష్కరించాం.. తెలంగాణ ఆత్మగౌరవ పతాకాన్ని ఎగురవేశాం’’ అంటూ కేటీఆర్ ట్విట్టర్‌లో పోస్ట్ చేశారు.

సుప్రీం విచారణలు.. ఇక  లైవ్‌లో

సుప్రీం విచారణలు.. ఇక లైవ్‌లో

సుప్రీంకోర్టులో జరిగే కేసుల విచారణను సామాన్య పౌరులూ వీక్షించవచ్చు. మంగళవారం నుంచి విచారణల లైవ్ స్ట్రీమింగ్ అందుబాటులోకి వచ్చింది. రాజ్యాంగ ధర్మాసనం జరిపే విచారణలు యూట్యూబ్‌లో చూడవచ్చు. https://main.sci.gov.in/display-board లేదా https://webcast.gov.in/scindia/ లింకుల్లో విచారణ ప్రసారం అవుతుంది. త్వరలోనే దీని కోసం ప్రత్యేక వ్యవస్థను ఏర్పాటు చేయనున్నారు.

కంటోన్మెంట్ బోర్డుకు స్వ‌చ్ఛ స‌ర్వేక్ష‌ణ్ పుర‌స్కారం

కంటోన్మెంట్ బోర్డుకు స్వ‌చ్ఛ స‌ర్వేక్ష‌ణ్ పుర‌స్కారం

కేంద్ర ర‌క్ష‌ణ శాఖ అధీనంలోని సికింద్రాబాద్ కంటోన్మెంట్ బోర్డుకు స్వ‌చ్ఛ స‌ర్వేక్ష‌ణ్-2022 పుర‌స్కారం ద‌క్కింది. 6 నెల‌ల క్రితం మినిస్ట్రీ ఆఫ్ హౌసింగ్ అండ్ అర్బ‌న్ ఎఫైర్స్ నియ‌మించిన ఆరుగురు స‌భ్యుల బృందం వారం రోజుల పాటు ఇక్క‌డే ఉండి పారిశుద్ధ్య నిర్వ‌హ‌ణ తీరు ప‌రిశీలించింది. ఈ నేప‌థ్యంలో కంటోన్మెంట్‌కు సంబంధిత పుర‌స్కారాన్ని అంద‌జేయ‌నున్న‌ట్లు తాజాగా ప్ర‌క‌టించింది.