ChotaNews Quick Feeds

విదేశీ విద్యా పథకం.. విద్యార్థులకు వరం: మంత్రి

విదేశీ విద్యా పథకం.. విద్యార్థులకు వరం: మంత్రి

AP: విదేశీ విద్య పథకం రాష్ట్రంలో ఉన్న పేద విద్యార్థులకు విదేశాల్లో చదివేందుకు వరం అని మంత్రి మేరుగ నాగార్జున అన్నారు. పేదల పిల్లలు ఉన్నత శిఖరాలకు వెళ్లాలనే ఉద్దేశంతోనే సీఎం జగన్ ఈ నిర్ణయం తీసుకున్నారని తెలిపారు. టీడీపీ హయాంలో విదేశాలకు వెళ్లి చదివే అవకాశం లేదన్నారు. చంద్రబాబు చెప్పిన మాటలతో ఎమ్మెల్యే కోటంరెడ్డి శ్రీధర్‌రెడ్డి ప్రజలను పక్కదారి పట్టిస్తున్నారని మండిపడ్డారు.

సచివాలయం వద్ద హైడ్రామా!

సచివాలయం వద్ద హైడ్రామా!

తెలంగాణ నూతన సచివాలయంలో అగ్ని ప్రమాదంపై హైడ్రామా కొనసాగుతోంది. అది కేవలం మాక్ డ్రిల్ అంటూ అధికారులు చెబుతున్నారు. అయితే మంత్రి వేముల ప్రశాంత్ రెడ్డి మాత్రం స్వల్ప ప్రమాదమని వ్యాఖ్యానించారు. మరోవైపు ఈ విషయాన్ని సీరియస్‌గా తీసుకున్న కాంగ్రెస్ నేతలు సచివాలయం వైపు బయల్దేరారు. దీంతో అక్కడ టెన్షన్ వాతావరణం నెలకొంది. సచివాలయం నిర్మాణంలో ప్రభుత్వం విఫలమైందని కాంగ్రెస్ నేతలు విమర్శిస్తున్నారు.