ChotaNews Quick Feeds

ఎక్కడ కూల్చారో.. అక్కడే ఆవిష్కరించాం: కేటీఆర్

ఎక్కడ కూల్చారో.. అక్కడే ఆవిష్కరించాం: కేటీఆర్

TS: కొండా లక్ష్మణ్ బాపూజీ జయంతి సందర్భంగా మంత్రి కేటీఆర్ ఆయనకు నివాళులర్పించారు. హైదరాబాద్‌లోని జలదృశ్యం వద్ద ఆయన విగ్రహాన్ని కేటీఆర్ ఆవిష్కరించారు. అనంతరం కేటీఆర్ భావోద్వేగపూరితంగా ట్వీట్‌ చేశారు. ‘‘ఏ జలదృశ్యమైతే అవమానకరంగా భావించి అప్పటి ప్రభుత్వం కూల్చివేసిందో.. ఈరోజు అక్కడే కొండా లక్ష్మణ్ బాపూజీ విగ్రహాన్నిఆవిష్కరించాం తెలంగాణ ఆత్మగౌరవ పతాకాన్ని ఎగురవేశాం’’ అంటూ కేటీఆర్ ట్విట్టర్‌లో పోస్ట్ చేశారు.

సుప్రీం విచారణలు.. ఇక  లైవ్‌లో

సుప్రీం విచారణలు.. ఇక లైవ్‌లో

సుప్రీంకోర్టులో జరిగే కేసుల విచారణను సామాన్య పౌరులూ వీక్షించవచ్చు. మంగళవారం నుంచి విచారణల లైవ్ స్ట్రీమింగ్ అందుబాటులోకి వచ్చింది. రాజ్యాంగ ధర్మాసనం జరిపే విచారణలు యూట్యూబ్‌లో చూడవచ్చు. https://main.sci.gov.in/display-board లేదా https://webcast.gov.in/scindia/ లింకుల్లో విచారణ ప్రసారం అవుతుంది. త్వరలోనే దీని కోసం ప్రత్యేక వ్యవస్థను ఏర్పాటు చేయనున్నారు.

తాడిపత్రిలో జేసీ వర్సెస్ డీఎస్పీ

తాడిపత్రిలో జేసీ వర్సెస్ డీఎస్పీ

అనంతపురం: తాడిపత్రిలో ఉద్రిక్తత పరిస్థితులు నెలకొన్నాయి. టీడీపీ కౌన్సిలర్లపై దాడి విషయంలో డీఎస్పీ చైతన్య తీరుపై మున్సిపల్ చైర్‌పర్సన్ జేసీ ప్రభాకర్‌రెడ్డి మండిపడ్డారు. పోలీసుల తీరును నిరసిస్తూ పట్టణంలో మున్సిపల్ కౌన్సిల్ సభ్యులు మౌన ప్రదర్శన చేపట్టి, స్టేషన్ ముందు బైఠాయించారు. సేవ్ తాడిపత్రి, డీఎస్పీ డౌన్‌డౌన్ అంటూ నినదించారు. టీడీపీ శ్రేణుల నిరసనను అడ్డుకున్న పోలీసులతో జేసీ ప్రభాకర్‌రెడ్డి వాగ్వాదానికి దిగారు.