ChotaNews Quick Feeds

సచివాలయం వద్ద హైడ్రామా!

సచివాలయం వద్ద హైడ్రామా!

తెలంగాణ నూతన సచివాలయంలో అగ్ని ప్రమాదంపై హైడ్రామా కొనసాగుతోంది. అది కేవలం మాక్ డ్రిల్ అంటూ అధికారులు చెబుతున్నారు. అయితే మంత్రి వేముల ప్రశాంత్ రెడ్డి మాత్రం స్వల్ప ప్రమాదమని వ్యాఖ్యానించారు. మరోవైపు ఈ విషయాన్ని సీరియస్‌గా తీసుకున్న కాంగ్రెస్ నేతలు సచివాలయం వైపు బయల్దేరారు. దీంతో అక్కడ టెన్షన్ వాతావరణం నెలకొంది. సచివాలయం నిర్మాణంలో ప్రభుత్వం విఫలమైందని కాంగ్రెస్ నేతలు విమర్శిస్తున్నారు.

సెక్రటేరియట్ కేసీఆర్ జాగీరా?: షబ్బీర్అలీ

సెక్రటేరియట్ కేసీఆర్ జాగీరా?: షబ్బీర్అలీ

తెలంగాణ నూతన సెక్రటేరియట్‌ పరిశీలనకు వెళ్తున్న కాంగ్రెస్ బృందాన్ని పోలీసులు అడ్డుకోవడాన్ని మాజీమంత్రి షబ్బీర్అలీ ఖండించారు. సెక్రటేరియట్ కేసీఆర్ జాగీరు కాదని.. ప్రజల డబ్బుతో నిర్మించారన్నారు. హడావిడిగా పనులు నిర్వహించడంతోనే.. సచివాలయంలో అగ్నిప్రమాదం జరిగిందని.. ప్రభుత్వం మాత్రం మాక్‌డ్రిల్ అని చెప్తోందని విమర్శించారు. వాస్తు పేరిట పాతభవనాన్ని కూల్చేసి.. నాసిరకంగా కొత్త భవనాన్ని నిర్మించడం ప్రజాధనాన్ని దుర్వినియోగం చేయడమేనని ఆయన తెలిపారు.