కాంగ్రెస్‌ అధ్యక్ష ఎన్నికల్లో పోటీ చేయనున్న దిగ్విజయ్ సింగ్ కీలక వ్యాఖ్యలు చేశారు. ‘‘చాలాసార్లు పార్టీలో చీలికలు వచ్చాయి. అయితే 99 శాతం మంది కాంగ్రెస్‌ వాదులు నెహ్రూ-గాంధీ కుటుంబీకులను సమర్థించారు. నెహ్రూ-గాంధీ కుటుంబం లేకుండా కాంగ్రెస్‌కు గుర్తింపే లేదు. రాజస్థాన్‌లో తలెత్తిన దురదృష్టకర పరిస్థితులతో అశోక్‌ గెహ్లాట్ అధ్యక్ష ఎన్నికల్లో పోటీ చేయడం లేదు’’ అని తెలిపారు.
సోషల్ మీడియాలో టీమిండియా క్రికెటర్ కోహ్లీకి ఉన్న క్రేజ్ గురించి ప్రత్యేకంగా చెప్పనక్కర్లేదు. కోహ్లీకి ఇన్స్టాగ్రామ్లో 215 మిలియన్ల ఫాలోవర్లు ఉన్నారు. ఇన్స్టాగ్రామ్లో కోహ్లీ ఏదైనా వ్యాపార ప్రచారం కోసం చేసే ఒక్కో పోస్టుకు రూ. 8.9 కోట్లు తీసుకుంటాడని Hopperhq.com సైట్ వెల్లడించింది. ఫుట్‌బాల్ ప్లేయర్ క్రిస్టియానో రొనాల్డో ఒక్కో పోస్టుకు రూ. 19 కోట్లు తీసుకుంటున్నట్లు పేర్కొంది.
TS: హైదరాబాద్‌లో రూ. 1.24 కోట్ల హవాలా డబ్బును పోలీసులు పట్టుకున్నారు. మాసబ్‌ట్యాంక్‌ పరిధిలో షోయబ్‌ అనే వ్యక్తి వద్ద ఈ డబ్బును స్వాధీనం చేసుకున్నారు. ఉత్తరప్రదేశ్‌‌లోని మీరట్‌ నుంచి షోయబ్‌ హైదరాబాద్‌ వచ్చి పాత సామాను సేకరించే వ్యాపారం చేస్తున్నట్లు గుర్తించారు. బంధువు కామిల్‌ సూచన మేరకు హవాలా డబ్బు తీసుకున్నట్లు పోలీసుల విచారణలో వెల్లడైంది.
TS: బీజేపీ రాష్ట్ర అధ్యక్షుడు బండి సంజయ్ ఐదో విడత ప్రజా సంగ్రామ యాత్రను అక్టోబర్ 15 నుంచి ప్రారంభించనున్నారు. నిర్మల్ జిల్లా బాసర అమ్మవారిని దర్శించుకుని భైంసా నుంచి కరీంనగర్‌ వరకు యాత్ర కొనసాగిస్తారు. బండి సంజయ్ ఇప్పటి వరకు నాలుగు విడతల్లో 48 అసెంబ్లీ నియోజకవర్గాల్లో 1,260 కిలోమీటర్ల మేర పాదయాత్రను పూర్తి చేశారు.