ఐపీఎల్-17వ సీజన్‌లో భాగంగా సన్‌రైజర్స్ హైదరాబాద్‌తో జరిగిన మ్యాచ్‌లో బెంగళూరు 35 పరుగుల తేడాతో ఘన విజయం సాధించింది. బెంగళూరు నిర్దేశించిన 207 పరుగుల లక్ష్యంతో బరిలోకి దిగిన హైదరాబాద్ 20 ఓవర్లలో 8 వికెట్లు కోల్పోయి 171 పరుగులకే పరిమితమైంది. హైదరాబాద్ బ్యాటర్లలో షాబాజ్‌ అహ్మద్‌ (40*), అభిషేక్‌ శర్మ (31), కమిన్స్‌ (31) చెలరేగారు. బెంగళూరు బౌలర్లలో స్వప్నిల్‌ సింగ్‌ 2, కర్ణ్‌ శర్మ 2, గ్రీన్‌ 2, జాక్స్‌ 1, దయాల్‌ 1 వికెట్ తీశారు.
ప్రముఖ విమానయాన సంస్థ ఇండిగో వైడ్‌ బాడీ విమానాలకు ఆర్డర్‌ పెట్టింది. దేశీయ విమాన సర్వీసుల్లో ఎయిరిండియా, విస్తారా వైడ్‌ బాడీ కలిగిన విమానాలను నడుపుతుండగా.. స్పైస్‌జెట్‌ కొన్ని విమానాలను లీజుకు తీసుకుని నిర్వహిస్తోంది. ఈ నేపథ్యంలో అంతర్జాతీయంగా తన ఉనికిని మరింత విస్తరించాలని చూస్తున్న ఇండిగో.. ఎయిర్‌‌బస్‌ నుంచి 30 ఏ350-900 విమానాలను కొనుగోలుకు ఆర్డర్‌ పెట్టింది. 2027 నుంచి వీటి డెలివరీలు ప్రారంభంకానున్నాయి.
ప్రధాని మోదీ ఏపీ పర్యటన షెడ్యూల్ ఖరారైంది. మే 3న పీలేరు, విజయవాడలో, 4న రాజమండ్రి, అనకాపల్లిలో ప్రధాని పర్యటించనున్నారు. 3న మధ్యాహ్నం 2:45కి పీలేరు, సాయంత్రం 6:30కి విజయవాడలో రోడ్‌షో నిర్వహించనున్నారు. 4న మధ్యాహ్నం 3:45కి రాజమండ్రి, సాయంత్రం 6 గంటలకు అనకాపల్లిలో మోదీ ఎన్నికల ప్రచారం నిర్వహించనున్నారు. ఈ కార్యక్రమాల్లో టీడీపీ అధినేత చంద్రబాబు, జనసేన అధినేత పవన్‌కల్యాణ్ పాల్గొంటారని సమాచారం.
జిల్లా ADD వీడియో