ChotaNews Quick Feeds

ఘాజీపూర్‌లో 144 సెక్షన్ విధింపు

ఘాజీపూర్‌లో 144 సెక్షన్ విధింపు

ఉత్తరప్రదేశ్‌లోని ఘాజీపూర్‌లో భారీగా పోలీసులు మోహరించారు. గ్యాంగ్‌స్టర్-రాజకీయవేత్త ముఖ్తార్ అన్సారీ మృతి చెందిన నేపథ్యంలో ఎలాంటి అవాంఛనీయ సంఘటనలు జరగకుండా పోలీసులు 144 సెక్షన్ విధించారు. అన్సారీ నివాసం వద్దకు పోలీసులు చేరుకుని బందోబస్తు ఏర్పాటు చేశారు. అన్సారీ మరణవార్త విని ఇప్పటికే చాలా మంది అక్కడికి చేరుకున్నారు.

రెండు రాష్ట్రాలకు AICC కార్యదర్శుల నియామకం

రెండు రాష్ట్రాలకు AICC కార్యదర్శుల నియామకం

కేరళ, రాజస్థాన్‌ రాష్ట్రాలకు AICC కార్యదర్శులను కాంగ్రెస్ అధ్యక్షుడు మల్లికార్జున ఖర్గే నియమించారు. కేరళకు పీవీ మోహన్, రాజస్థాన్‌కు చిరంజీవి రావులను నియమిస్తూ ఉత్తర్వులు జారీ చేశారు.

ఉక్రెయిన్‌లో కూలిన రష్యా సైనిక విమానం

ఉక్రెయిన్‌లో కూలిన రష్యా సైనిక విమానం

రష్యా సైనిక విమానం ఒకటి ఉక్రెయిన్‌లో క్రాష్ అయినట్లు గవర్నర్ మిఖాయిల్ రజ్వోజాయేవ్ సోషల్ మీడియా వేదికగా తెలిపారు. ఆ విమానం క్రిమియా ద్వీపకల్పంలో సముద్రంలో కూలిపోయిందని వెల్లడించారు. అయితే అందులోని పైలట్ సురక్షితంగా బయటపడ్డాడని, అతడి ప్రాణాలకు ఎలాంటి ప్రమాదం లేదని పేర్కొన్నారు. ఈ మేరకు మంటల్లో చిక్కుకున్న విమానం ఫొటోను నెట్టింట పంచుకున్నారు.